Шымкент қаласы әкімдігі жанындағы саяси қуғын-сүргін құрбандарын толық ақтау жөніндегі комиссияның атқарған жұмыстары туралы
Мемлекет басшысының 2021 жылғы 14 қаңтардағы «Шымкент қаласы әкімдігінің жанынан Саяси қуғын-сүргін құрбандарын толық ақтау жөніндегі комиссия құру туралы» № 31 қаулысына сәйкес қаулы мен осы комиссияның құрамы бекітілді.
Қазіргі таңда комиссия құрамында университет ғалымдары, тарихшылар, мұрағат қызметкерлері мен аудармашылар бар 30 адамнан тұратын жұмыс тобы құрылды.
Бұл салаға басшылық тарапынан 19 миллион 957 мың теңге бөлініп, қажетті құрал-жабдықтармен қамтамасыз етілді. Сондай-ақ, Қазақстан азаматтары арасынан саяси қуғын-сүргін құрбандары туралы материалдар сақталатын мемлекеттік мұрағаттардың жабық қорларына қолжетімділікті қамтамасыз ету үшін ғылыми қызметкерлерге белгіленген тәртіппен №2 формалы рұқсаттамалар берілді.
Саяси қуғын-сүргін құрбандарын толық ақтау жөніндегі мемлекеттік комиссия 11 бағыт бойынша, қалалық комиссияның жұмыс тобы 9 бағыт бойынша жұмыс істейді.
Қазір жұмыс тобының мүшелері 8 мыңнан астам азаматтың құжаттарын қарауда.
Сонымен қатар, зерттеушілер тамыз айында Алматыда (2 зерттеуші) және қарашада Өзбекстан Республикасының Бостандық ауданында (2 зерттеуші) болды.
Сонымен қатар, ағымдағы жылдың 15-23 қарашасы аралығында елді мекендер мен аймақтарға кейіннен қалаға да кіріп, экспедициялар ұйымдастырылды.
Республикалық мемлекеттік комиссияның жобалық кеңсесі аймақтық зерттеушілердің әртүрлі кезеңдегі жұмыстарының нәтижелерімен танысу үшін 9 маршруттық семинар өткізді. Әр семинарда облыс басшылары өз тақырыптары бойынша жан-жақты зерттеулерін ұсынып, баяндамалар жасады.
Жұмыс тобы мүшелерінің зерттеулері туралы ақпаратты насихаттау мақсатында медиа-жоспар әзірленіп, бекітілді.
Медиа-жоспарға сәйкес бүгінгі күні республикалық «Егемен Қазақстан», «Айқын», «Айғақ», «Жас Алаш» газеттерінде және «Панорама» Шымкент», «Жанубий Қозоғистон» «Мәртөбе» сынды жергілікті газеттерінде бағыт жетекшілері мен жұмыс тобы мүшелерінің зерттеулері мен материалдары жарияланды.
Сонымен қатар, «Қазақстан ұлттық арнасы» телеарнасы мен жергілікті «Оңтүстік», «НарТВ», «Отырар», «Айғақ» телеарналарында бейнероликтер мен сұхбаттар берілді және бұл жұмыс жалғасуда.
