Нұрғали

Көбегенов

Адайдың Медет руынан

Жылықос ауданының №36 ауыл тұрғыны

1) көтеріліс басшыларының бірі.. 1931 жылы 25 наурыз күні, «Живсоюз» агенті Көбегенов Нұрғалидің үйіне пункт бастығы Қаратаев пен «Живсоюз» өкілі Хасенов келіп, Н.Көбегеновты №42 ауылға «Байпақ» руына ет дайындау мәселелері бойынша жұмсайды. Сол күні түнде Н.Көбегеновтың кеткенін пайдаланып, оның үйіндегі жас әйелі Рахимашты зорлайды. Келесі күні үйіне қайтып келген Н.Көбегенов, әйелінен түнде болған сұмдық жағдайды естіп, қасына өз тумаластарын топтастырып Қаратаев пен Хасеновты тұтқынға алады. Сол жерде Медет, Жанақ, Кенже руының адамдары қосылып, «Әсемкөл» кооперативін тонап, Үстіртке көшеді. «Құмқұдық» жерінде Н.Көбегенов пен Т.Нұржігітов Қаратаев пен Хасеновты аяусыз өлтіреді. Бұл Нұрғали Көбегенов ел аузында «Медет Нұрғали мерген» атымен танымал адам еді. Ол Қараған-Босағадағы соғысқа қатысып, Ақтөбе облысы, одан әрі Қостанай жеріне қашқан деген ел аузында дерек бар.